နာမ်ရုပ်နှစ်သင်း
ဉာဏ်မြင်ရှင်းဖို့
တစ်ခုသော ကထိန်အလှူအပြီးတွင် ဖြစ်ပါသည်။
ပင့်သံဃာတော်များအားလုံး အသီးအသီး ပြန်ကြွ ကြ ပြီ ဖြစ်သဖြင့် စာရေးသူလည်း ပြန်မည်အပြုတွင်
ဒါယကာကြီးတစ်ဦးက ဤသို့ စကားဆိုလာ၏။
“ဦးဇင်း ဒီနေ့ ကထိန်တရားဟောတဲ့ ဆရာတော်ဟာ
တရားဟော တော်တော်ကောင်းတာပဲ”
“ဟုတ်လား... ဒါကြောင့်လဲ ကထိန်ဒကာက
သီးခြား ပင့်လာတာနေမှာပေါ့”
“ဒီနေ့ဟောတဲ့ ကထိန်တရားကို ဦးဇင်း
နာလိုက်မိသေးလားဘုရား။”
“ဟင့်အင် ဦးဇင်းတို့နယ်ရဲ့ထုံးစံအရ
သီလပေးပြီး ကထိန်သင်္ကန်း အကပ်ခံ။ ပြီးရင်မေတ္တာသုတ် ပရိတ် တရားချီးမြှင့်၊ ပြီးတော့ ပင့်သံဃာတော်တွေအားလုံး
သိမ်ထဲကြွပီး ကံဆောင်ကြတယ်။ တရားဟော ဓမ္မ ကထိက တပါးတည်းသာ တရားဟောကျန်ခဲ့ရတာလေ။ ဒီတော့
ကံဆောင်နေကြတာမို့ ကထိန်တရားမနာ လိုက်မိပါဘူး။ ဘာပြုလို့မေးတာလဲ”
“ရုပ်နာမ် အကြောင်းရှင်းပြတာ တော်တော်ရှင်းတာပဲ”
“ပြောစမ်းပါဦး ဘယ်လိုရှင်းပြလို့လဲ”
“လှူချင်တာက နာမ်၊ လှူနေတာက ရုပ်၊ ငါမဟုတ်
သူမဟုတ်၊ လှူတာ နာမ်နှင့်ရုပ် ။ နာမ်ရုပ်နှစ် သင်း၊ အမြင် ရှင်း၊ လှူရင်း အလုပ်လုပ်။
ဆိုတဲ့ လင်္ကာလေးကို ချပေးပြီး ရှင်းပြတာ”
“အဲဒီလင်္ကာလေးက ရှင်းပြနေစရာ မလိုလောက်အောင်
ရှင်းနေပြီးသားပဲ။ သူက ဘာကို ထပ်ပြီး ရှင်းပြ တာလဲ”
“ဒီလိုလေဘုရား။ အဲဒီလင်္ကာထဲမှာပါတဲ့
ရုပ်နာမ်ဆိုတာကိုရှင်းပြတာ။ လူတော်တော်များများက ရုပ်နာမ်၊ ရုပ်နာမ်နဲ့သာပြောနေကြတာ။
တကယ်တမ်းကျတော့ ရုပ်နာမ်ဆိုတာ ဘာကိုဆိုလိုမှန်း တိတိပပ သိကြသူနဲပါတယ်။ အဲဒါကို တိတိပပ
သိရအောင် လက်တွေ့ သရုပ်ပြပြီး ရှင်းလင်းပြတာ ဘုရား။”
“ကိုင်း ဘယ်လိုရှင်းလင်းပြသလဲ ဆက်ပြောစမ်းပါဦး”
“စိတ်၊ စေတသိက်၊ နိဗ္ဗာန်တို့ကို ကိုင်တွယ်မယ်ဆိုရင်
ကိုင်တွယ်လို့ ရ၊ မရမေးတယ်။ မရပါဘုရား လို့ ဖြေတော့ ကိုင်တွယ်လို့ မရတာက နာမ် တဲ့။ ပြီးတော့
သူ့ရဲ့လက်တစ်ဖက်ကို ကျန်လက်တစ်ဖက်နဲ့ ကိုင်ပြတယ်။ ကိုင်လို့ ရ၊ မရ မေးတယ်။ ရပါတယ်ဘုရားဆိုတော့
ကိုင်တွယ်လို့ရတာက ရုပ်ဖြစ်တယ်ဆိုတာ ကို လက်တွေ့ နည်းနဲ့ ရှင်းပြတာ။”
“ဒါပဲလား”
“ပြီးတော့ ပိုရှင်းသတဲ့ရှင်းအောင် ထပ်ပြီးရှင်းပြသေးတယ်။
စိတ်၊ စေတသိက်၊ နိဗ္ဗာန်တို့ကို ကြည့် ရင် မြင်နိုင်၊ မမြင်နိုင်အမေးအဖြေလုပ်ပြီး မမြင်ရလို့နာမ်တဲ့။
ရုပ်ကိုလက်တွေ့ပြရာမှာတော့သူ့ကိုမြင်၊ မမြင်မေးတယ်။ မြင်ရပါတယ်လို့ ဖြေတော့ မြင်ရတာဟာ
ရုပ်လို့ခေါ်တယ်လို့ ရှင်းပြတယ်။”
“အော်...အဲဒီလို ရှင်းပြတာပေါ့”
“ဒါတင်ဘယ်ကလဲဘုရား။ အများသိပြီးဖြစ်တဲ့
သိတတ်တာက နာမ်၊ မသိတတ်တာက ရုပ် ဆိုပြီးတော့ လဲ ရှင်းပြသေးတယ်။ ဘယ်လောက်ရှင်းလိုက်သလဲဘုရား။
တစ်ခါမှ တရားမနာဘူးတဲ့ သူတောင် ရုပ်နာမ် အကြောင်း တခဏနဲ့ သဘောပေါက် နားလည်သွားနိုင်တယ်။
တပည့်တော်လဲ ခုမှပဲ ရုပ်နာမ်ဆိုတာ ဘာခေါ်တယ်ဆိုတာကို ရေရေရာရာ တိတိပပ သိရတော့တယ်ဘုရား။”
“ရုပ်နာမ်ဆိုတာကိုတကယ်တမ်း ရေရေရာရာတိတိပပသိ၊
မသိမေးကြည့်ပါဦးမယ်။ အသံတို့အနံ့ တို့ဟာ ရုပ်လား၊ နာမ်လား။”
“ရုပ် ပါဘုရား။”
“ဒါဆို ကိုင်တွယ်လို့ ရ ရမှာပေါ့။”
“မရပါ ဘုရာ။”
“ဒါနဲ့ ကိုင်တွယ်လို့ ရတာက ရုပ်လို့
ပြောတာ ဟုတ်နိုင်ပါ့မလား”
“မဟုတ်နိုင်ပါဘူး ဘုရား”
“ဒကာကြီးရဲ့ ဓမ္မကထိကဟာ သပ္ပဋိဃတရားနဲ့
အပ္ပဋိဃတရား ဆိုတာကို အဓိပ္ပာယ်နဲ့ အကောက် လွဲ သွားသလားမှ မသိတာ။”
“ဘယ်လို လွဲနိုင်လို့လဲ ဘုရား”
“သပ္ပဋိဃ ဆိုတာ ထိပါးခြင်းနှင့်တကွဖြစ်သော
တနည်း ထိခိုက်၍ရသော တရားကိုခေါ်တာ။ အပ္ပဋိဃ တရားဆိုတာကတော့ သပ္ပဋိဃရဲ့ ပြောင်းပြန်အဓိပ္ပာယ်ထွက်တယ်လေ။
ထိပါးခြင်းဖြစ်တယ်၊ မဖြစ်ဘူးဆိုတာလဲ လက်နဲ့ထိပါးလို့ရတာ၊ မရတာကိုဆိုလိုတာမဟုတ်ပါဘူး။
ဒါကြောင့်လဲ သပ္ပဋိဃတရားကို အရကောက်ရာမှာ ပသာဒရုပ်(၅)နဲ့ ဂေါစရရုပ်(၇)ပါး ပေါင်း(၁၂)ပါးကိုကောက်ပါတယ်။
ကျန်တဲ့သုခုမရုပ် (၁၆)ပါးရယ်၊ စိတ်၊ စေတသိက်၊ နိဗ္ဗာန်ရယ်ဟာ အပ္ပဋိဃတရားတွေ ဖြစ်တယ်ဆိုတာကို
ဓမ္မသင်္ဂဏီ ပါဠိေ တာ်၊ သပ္ပဋိဃဒုက်မှာ ပြဆိုထားပါတယ်။
မြတ်စွာဘုရားတရားဟောတဲ့အခါ တရားနာတဲ့သူတွေ
နားလည်အောင် မြေမှုန့်တို့ ၊ ရေမျှော သစ် တုံးတို့ကို ဥပမာပြပြီး တရားဟောခဲ့သေးတာပဲ။
တကယ်တမ်း ရုပ်ဆိုတာ လက်နဲ့ထိကိုင်လို့ရတယ်ဆိုရင် လက်တွေ့ကိုင်ပြပြီး ရုပ်ဆိုတာ ဒါကို
ခေါ်တာလို့ ရှင်းပြမှာပေါ့။ မနက်ကတရားဟောတဲ့ ဆရာတော်က ဘုရားရှင်တောင် သူ့လောက် တရားနာတဲ့သူတွေကို
ရှင်းအောင် မဟောတတ်ဘူးလို့ အထင်ရောက် နေသ လားမှ မသိတာ။
တကယ်တော့။ ဘုရားရှင် ဟောတဲ့ ရုပ်တရားဆိုတာ
သဘောတရားကို ခေါ်တာ။ (substance) အရာဝတ္ထု အထည်ဒြပ်ရှိတာမဟုတ်ပါဘူး။ ဒါကြောင့် ဘယ်ရုပ်တရားကိုမျှ
ကိုင်တွယ်လို့မရပါဘူး ဆို တာ သေသေချာချာ မှတ်သားထားလိုက်စမ်းပါ။
ပြီးတော့မြင်ရတာ ရုပ်ဆိုတာလဲ ရုပ်(၂၈)ပါးထဲမှာမြင်ရတဲ့
ရုပ်ဆိုလို့အဆင်းရုပ်တစ်ခု တည်း သာ မြင်လို့ရပါတယ်။ ကျန်တဲ့ရုပ်တွေက မြင်လို့ရတဲ့ ရုပ်တွေ
မဟုတ်ပါဘူး။”
“ဒီလိုဆိုရင် ‘သိတတ်တာကနာမ်၊ မသိတတ်တာက
ရုပ်’ ဆိုတာကတော့မှန်တယ်မဟုတ်လား ဘုရား”
“မှန်၊ မမှန် ဝေဖန်ဆန်းစစ်ကြည့်ရအောင်။
နာမ်တရားတွေထဲမှာ စေတသိက်ကို အသာထား နိဗ္ဗာန် ဟာ အာရုံကို သိတတ်ပါ့မလား”
“မသိတတ်ပါဘူး ဘုရား။”
“မသိတတ်ရင် ဒါဆို ရုပ်တရားပေါ့။”
“အဲဒီလိုလဲ မဟုတ်ပါဘူး ဘုရား”
“ဓမ္မသင်္ဂဏီပါဠိတော်၊ စိတ္တဒုက်မှာ အာရုံကိုသိတတ်သောတရားဆိုသည်မှာ
စိတ်၈၉-ခုသာဖြစ်ပြီး၊ အာရုံကို မသိတတ်သောတရားများကတော့ စေတသိက်၊ ရုပ်၊ နိဗ္ဗာန်တို့ဖြစ်တယ်လို့
ဟောထားတယ်။ ဒါကြောင့် သိတတ်တာက နာမ်ဆိုရင် စိတ်တစ်ခုတဲ အတွက်သာ မှန်ပြီး၊ နာမ်တရားဖြစ်တဲ့
စေတသိက်၊ နိဗ္ဗာန်တို့အတွက် မှားနေတယ်။
မသိတတ်တာက ရုပ်ဆိုရာမှာလဲ ရုပ်တစ်ခုတည်း
အတွက်သာမှန်နေပြီး အာရုံကိုမသိတတ် တဲ့ စေတသိက်နိဗ္ဗာန်တို့ကို ရုပ်တရားလို့ ပြောရမလို
ဖြစ်နေတယ်။ ဒါဆိုရင် ‘သိတတ်တာကနာမ်၊ မသိ တတ်တာက ရုပ်’ ဆိုတဲ့စကားဟာမှားတယ်၊ မှန်တယ်ဆိုတာ
ခွဲခြားလို့ ရလောက်ပါပြီ။”
“ဒီလိုဆိုရင် တပည့်တော်တို့အနေနဲ့ နာမ်နဲ့
ရုပ်ရဲ့သသော အဓိပ္ပာယ်ကို မမှားအောင် ဘယ်လို မှတ် သား ထားရမှာလဲ ဘုရား။”
“မမှားအောင် မှတ်သားထားဖို့ဆိုရင် အဋ္ဌသာလိနီမှာ
နာမရူပဒုက်ကို ဖွင့်ဆိုထားတဲ့အတိုင်း မှတ်သား-ထားလိုက်ပေါ့”
“ဘယ်လိုများ ဖွင့်ဆိုထားလို့လဲ ဘုရား။”
“နမနဋ္ဌေန နာမနဋ္ဌေန စ နာမံ။ ရုပ္ပနဋ္ဌေန ရူပံ။
အာရုံသို့ ညွတ်တတ် ညွတ်စေတတ်သော တရား ဟာ နာမ်တရား။ ဖောက်ပြန်တတ်သောတရားဟာ ရုပ်တရား
ဖြစ်တယ်} လို့အဋ္ဌသာလိနီအဋ္ဌကထာမှာ ဖွင့်ဆိုထား တယ်လေ”
“ရုပ်ရဲ့သဘောကိုနားလည်ပေမယ့်နာမ်ရဲ့သဘောဖြစ်တဲ့ ‘အာရုံသို့ညွတ်တတ် ညွှတ်စေတတ်သော ’ ဆိုတဲ့ စကားလုံးတွေကို နားမလည်ဘူး ဖြစ်နေတယ် ဘုရား။
ရှင်းပြပေးပါအုံး။”
“ညွတ်ဆိုတာဟာ ကိုင်းကျတာ၊ စိတ်ရောက်တာကိုဆိုလိုတာပါ။
ညွတ်တတ် ညွတ်စေတတ်လို့ နှစ် မျိုး ဆိုထားတာကတော့ နာမ်တရားများဖြစ်ကြတဲ့စိတ်၊ စေတသိက်နဲ့နိဗ္ဗာန်တို့ဟာသဘောသဘာဝချင်း
မတူတဲ့ အတွက် နှစ်မျိုးဆိုထားတာ ဖြစ်တယ်။ စိတ်၊ စေတသိက်တို့ကအာရုံပေါ်သို့ ကိုင်းကျတတ် တယ်၊
ရောက် တတ်တယ်။ ဒါကြောင့်မို့ နာမ်လို့ခေါ်တာ။ နိဗ္ဗာန်ကတော့အာရုံ ပြုတတ်တဲ့ အပြစ်ကင်းတဲ့ တရားတို့ကို
မိမိထံသို့ ကိုင်းကျစေတတ်၊ ရောက်စေတတ်လို့ နာမ်လို့ ခေါ်ရတယ်။ ဒါဆိုရင် နာမ်ရုပ် နှစ် သင်း
အမြင်ရှင်းတန် ကောင်းပါရဲ့”
“မှန်ပါ့။ ခုမှပဲ ရှင်းသွားပါပြီဘုရား။”
“ဒကာကြီးတို့ကလဲ နာမ်ရုပ်နှစ်သင်း သာမန်အမြင်နဲ့
ရှင်းရုံမက ဉာဏ်မြင်ပါရှင်းအောင် လှူရင်း အလုပ်လုပ်ရမှာဖြစ်သလို ဦးဇင်းတို့ အလှူခံပုဂ္ဂိုလ်များကလဲ
နာမ်ရုပ်နှစ်သင်း၊ ဉာဏ်မြင်ရှင်းအောင်၊ ယူရင်း အလုပ်လုပ်ကြတာပေါ့” ဟု သတိပေးတိုက်တွန်းစကားဆိုခဲ့ပြီး
ရွာသို့ပြန်ခဲ့ပါတော့၏။
(ညွတ်၊ ကြိ- ၁၊ ကိုင်းကျသည်။ ၂၊ စိတ်ရောက်သည်။
မြန်မာအဘိဓာန်၊ ၁၃၈။)
အမှတ်စဉ်(၂၇၀) ၂၀၁၂ခုနှစ်၊
ဇွန်လ၊ဓမ္မရံသီမဂ္ဂဇင်း။
